Çanaqqaladakı təbii fəlakət bölgəsində çadır şəhərciyi qurulub

Fevralın 7-də gecə saat 5.24 dəqiqədə Türkiyənin Çanaqqala vilayətinin Ayvacık rayonunda Rixter cədvəli ilə 5.2 bal gücündə zəlzələ baş verib.

Rəsmi məlumata görə, episentri Egey dənizində olan yeraltı təkanlar bəzi tikililərdə ciddi dağıntılar yaradıb. Çox sayda insan evsiz qalıb. Zəlzələdən təşvişə düşən əhali küçə və meydanlara axışıb. Qızıl Ay Cəmiyyəti evsiz qalan insanlar üçün çadır şəhərciyi salıb. Ətraf bölgələrdən təbii fəlakət rayonuna kömək cəlb olunub.

Xatırladaq ki, fevralın 6-da bu bölgədə yerli vaxtla saat 6.51-də və 13.58-də Rixter cədvəli ilə 5.3 bal gücündə iki zəlzələ baş verib.

azertac