Cümə , 29 Mart 2024
Drone Cameras

Rusiyalı mütəxəssis: “Əsl sürpriz edən komanda Azərbaycan yığmasıdı” Böyüt

“Son seçmə oyunlarında kifayət qədə gözlənilməz nəticə qeydə alınıb. Bunlardan biri Çexiya və Azərbaycanın heç-heçəsidi”. Apasport.az saytının məlumatına görə, bu sözləri Rusiyanın “Spartak” klubunun sabiq futbolçusu Aleksandr Bubnov deyib.

Rusiyalı mütəxəssis DÇ-2018-in seçmə mərhələsinin son oyunlarını təhlil edib. Bubnov San-Marino və Norveçi 1:0 hesabı ilə üstələyib, Çexiya ilə qolsuz heç-heçə edən Azərbaycan yığmasının çıxışına da toxunub: “Cari tsikldə əsl sürpriz edən komanda Azərbaycandı. Bu komanda öz qrupunun lideri olan Almaniyadan cəmi 2 xal geri qalır. İnkişaf aşkar görünür. Azərbaycanlılar Norveçi məğlub edib və səfərdə Çexiyaya uduzmayıb. Nəticədə bu komanda arxada qalan 3 oyunda məğlub olmayıb. Azərbaycan və İslandiya yığmalarının nəticələr belə deməyə əsas verir ki, futbolun səviyyəsi yüksəlməkdədi. Artıq istənilən rəqiblə matçda xal itirmək mümkündü. Heç bir rəqibə yuxarıdan aşağı baxmaq olmaz”.

Qeyd edək ki, yığmamız 7 xalla C qrupunda 2-ci pillədə qərarlaşıb. Turnir cədvəlinə isə 3 oyunda 9 xal toplayan Almaniya başçılıq edir.

Check Also

Qırmızı dənizdəki vəziyyət Avropa-Cənubi Koreya yük daşımalarının qiymətini 40 faiz bahalaşdırıb

Qırmızı dənizdəki təhlükəsizliklə bağlı yaranmış vəziyyət Cənubi Koreyadan Avropaya və əksinə istiqamətdə dəniz yolu ilə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir