Dünya

“Dəmir yollarında da qiymətlər qalxacaq”. “Report” xəbər verir ki, bunu jurnalistlərə açıqlamasında Azərbaycan Dəmiryolları Qapalı Səhmdar Cəmiyyətinin (QSC) sədri, millət vəkili Cavid Qurbanov deyib. Qurum rəhbəri qeyd edib ki, QSC hər ay işığa görə 1 milyon 300 min manat pul ödəyir. O, vurğulayıb ki, elektrik enerjisinin qiyməti qalxıbsa, dəmir yollarında da qiymət artımı olacaq.

Kubanın Azərbaycana yeni təyin olunmuş səfiri Alfredo Nyeve Portuondo bu gün Bakıya gələcək. Bu barədə “Report”a Kubanın Azərbaycandakı diplomatik missiyasından məlumat verilib. O, bu vəzifədə səfir Omar Medina Kinteronu əvəzləyəcək. Alfredo Nyeve Portuondo etimadnaməsini Azərbaycan Prezidentinə təqdim etdikdən sonra vəzifəsinin icrasına başlayacaq. Qeyd edək ki, daha əvvəl A.N.Portuondo Kubanın Belarusdakı səfiri kimi fəaliyyət göstərib.

Azərbaycan Respublikasının Prezidenti İlham Əliyev noyabrın 29-da Beynəlxalq Telekommunikasiya İttifaqının baş katibi Houlin Jaonu qəbul edib.    

Azərbaycan Respublikasının Prezidenti İlham Əliyev noyabrın 29-da Cənubi Afrika Respublikasının beynəlxalq əlaqələr və əməkdaşlıq naziri xanım Maite Nkoana-Maşabanenin başçılıq etdiyi nümayəndə heyətini qəbul edib.

Belarus Prezidenti Aleksandr Lukaşenko noyabrın 28-də Azərbaycana rəsmi səfərə gəlib. Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü. Belarus Prezidenti Aleksandr Lukaşenkonu hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşıladılar.

Bir zamanlar bütün dünyanı idarə etmək qüdrətinə sahib Əmir Teymurun 4 min erməni əsgərini diri-diri basdırmasının səbəbi haqda maraqlı fakt ortaya çıxıb. Publika.az xəbər verir ki, müxtəlif ordularda muzdlu olaraq çalışan ermənilər Teymurun ordusunun 10 əsgərini öldürür. Daha sonra “bir neçə əsgərin şəhid olmasına görə qan tökməyə dəyməz” deyə xahiş edirlər. Əmir Teymur isə 4 min erməni əsgəri dir-diri basdıraraq belə …

Türkiyənin Tunceli vilayətinin Nizamiyə qəsəbəsinə bağlı Aşağı Doluca kəndindəki  Pembelik gölünün yaxınlığında erməni terroristlərinə ehtiram məqsədilə abidə qoyulub. “OLAYLAR”-ın xəbərinə görə, bu barədə məlumatı Beynəlxalq Əsassız Erməni İddialarına qarşı Mübarizə Dərnəyi (ASİMDER) yayıb. Bildirilib ki, bu mənfur hərəkətə qarşı ASİMDER rəhbəri Göksel Gülbəy öz kəskin etirazını bildirib. O, bildirib ki, Tuncelidə erməni terroristləri üçün qoyulan abidə ASALA erməni terror təşkilatı …

ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, noyabrın 28-də Tərtər şəhəri istiqamətində yerləşən Azərbaycan və Ermənistan qoşunlarının qarşıdurma xəttində keçirilən monitorinq keçirilib. Müdafiə Nazirliyinin mətbuat xidmətindən APA-ya verilən məlumata görə, monitorinq insidentsiz başa çatıb. Monitorinqi Azərbaycan tərəfindən ATƏT-in fəaliyyətdə olan sədrinin şəxsi nümayəndəsi səfir Anjey Kaspşik və onun səhra köməkçisi Jiri Aberle, Ermənistan silahlı qüvvələri tərəfindən işğal edilmiş …

Monako şahzadəsi əlahəzrət II Albertin ali patronajlığı altında noyabrın 23-dən 25-nə qədər keçirilən doqquzuncu Beynəlxalq Sülh və İdman Forumunda Avropa Azərbaycan Cəmiyyətinin (TEAS) təşəbbüsü ilə Azərbaycandakı qaçqın və məcburi köçkünlərinin çətin durumu və ölkənin bu icmalarla iş təcrübəsi diqqət mərkəzində olub. Qeyd edək ki, sözügedən tədbir bu ilin noyabrın əvvəlində TEAS və Monakoda yerləşən “Sülh və İdman” Təşkilatı arasında “Sülhə …

San-Paulunun “Palmeyras” futbol klubu 22 ildən sonra ilk dəfə olaraq Braziliya çempionu olub. APA-nın TASS agentliiynə istinadən verdiyi xəbərə görə, Braziliya çempionatının 37-ci turunda “Şapekoense” klubunu 2:0 hesabı ilə məğlub edən “Palmeyras” vaxtından əvvəl çempionluğu təmin edib. “Palmeyras” doqquzuncu dəfədir ki, Braziliya çempionatının qalibi olur. Qeyd edək ki, müxtəlif zamanlarda Vava, Junior, Kafu, Roberto Karlos və Rivaldo kimi məşhur futbolçular …