Region

Türkiyə və Ukrayna taxıl müqaviləsini, eləcə də Qara dənizdə ticarət daşımalarının davam etdirilməsini müzakirə ediblər. Boyukmillet.com xəbər verir ki, bu barədə Türkiyənin nəqliyyat və infrastruktur naziri Əbdülqadir Uraloğlu sosial şəbəkədəki səhifəsində bildirib. “Biz Ukrayna Baş nazirinin müavini, infrastruktur və ərazi inkişafı naziri Aleksandr Kubrakov ilə videokonfrans keçirdik. Görüş zamanı bu yaxınlarda dayandırılmış Taxıl Dəhlizi təşəbbüsünü, Qara dənizdə ticarət daşımalarının davam etdirilməsi …

Avqustun 26-da Ermənistanın N saylı hərbi hissəsinin əsgəri Şavarş Akinyan elektrik cərəyanı vurması nəticəsində ölüb. Boyukmillet.com xəbər verir ki, bu barədə Ermənistan Müdafiə Nazirliyi məlumat yayıb. Qurum bildirib ki, hadisənin başvermə şəraitinin tam aydınlaşdırılması üçün araşdırma aparılır.

Ukrayna Silahlı Qüvvələri Rusiyanın işğal altındakı Krım yarımadasına hücum edib. Boyukmillet.com xəbər verir ki, 126-cı Əlahiddə Mühafizə Sahil Müdafiə Briqadasının hərbi hissəsinə zərbələr endirilib. Nəticədə üç nəfər ölüb, çox sayda insan yaralanıb. Əməliyyatın təfərrüatları məlum deyil. Xatırladaq ki, Ukrayna kəşfiyyatçıları Rusiyanın 2014-cü ildə ilhaq etdiyi yarımadada avqustun 24-də xüsusi əməliyyat keçirib.

Azərbaycanın rus sülhməramlıların müvəqqəti məsuliyyət zonasında olan Xankəndi şəhərində proseslər sürətlə gərginləşməkdədir. Boyukmillet.com xəbər verir ki, separatçıların rəhbəri Araik Arutyunyanın “istefa vermək” üçün “Ermənistanın da razılığını alması”, üstəlik, keçmiş separatçıbaşılar da daxil olmaqla, Xankəndidəki 8 “nüfuzlu şəxsi” bununla bağlı məlumatlandırması gərginliyi daha da artırıb. Belə ki, bu “müzakirədən” sonra yayılan məlumatda guya “siyasi elitanın” Arutyunyanı istefa verməməsi gərəkdiyinə inandırdığı iddia edilirdi. …

Rəşt sakini və qadın hüquqları müdafiəçisi olan 7 xanım təhlükəsizlik qüvvələri tərəfindən həbs olunub. Boyukmillet.com xəbər verir ki, bu barədə “Bidarzəni” saytı xəbər verib. Məlumata görə, repressiv hökumət qüvvələri qadınların evlərinə basqın edərək zorakılıqla onları həbs ediblər. Qeyd edək ki, hüquq müdafiəçiləri olan bu qadınların həbsinin səbəbi, barələrində irəli sürülən ittihamlar və harada olmaları haqda dəqiq məlumat yoxdur.

Tanınmış rejissor Səid Rustayi Tehran İnqilab Məhkəməsi tərəfindən 6 ay azadlıqdan məhrum edilib. Boyukmillet.com xəbər verir ki, bu barədə “Etimad onlayn” qəzeti məlumat yayıb. Bildirilib ki, rejissor “Leylanın qardaşları” sənədli filiminin çəkilişi, ekran işinin Kann Fim Festivalında nümayiş etdirilməsinə görə cəzalandırılıb.

Bir qrup təbrizli qadın Şərqi Azərbaycan əyalətinin Ətraf Mühit İdarəsinin qarşısında etiraz aksiyası keçiriblər. Boyukmillet.com xəbər verir ki, bu barədə sosial media kanallarında paylaşımlar edilib. “Bəndləri sındırın, Urmu gölünü doldurun”, “Urmu gölü susuzdur” və başqa bu kimi şüarlar səsləndirən etirazçılar hakimiyyətdən gölün bərpası layihələrini yerinə yetirməyi tələb ediblər.

Rusiya ordusu dünən gecə Ukraynanın Xerson vilayətini atəşə tutub. Boyukmillet.com xəbər verir ki, bu barədə vilayət hərbi administrasiyasının rəhbəri Aleksandr Prokudin teleqramda yazıb. Bildirilib ki, hücum nəticəsində ümumilikdə 7 nəfər həlak olub. Onlardan 2-si uşaqdır. Məlumata görə, Rusiyanın hərbi təcavüzü nəticəsində 13 nəfər yaralanıb.

Suriyadan Türkiyəyə keçməyə cəhd edən PKK/PYD terror təşkilatının bir üzvü Şanlıurfanın Suruç rayonunda saxlanılıb. Boyukmillet.com xəbər verir ki, terrorçunun Suriyadan Türkiyəyə keçməyə cəhd edəcəyinə dair kəşfiyyat məlumatından sonra təhlükəsizlik qüvvələri sərhəd xəttində tədbirləri gücləndirib. Onlar terror təşkilatı PKK/PYD üzvü olduğu müəyyən edilən terrorçunu sərhəd xəttində yaxalayıb. Terrorçu haqqında cinayət işi başlanılıb.

Türkiyədə terror təşkilatının 36,4 milyard lirə qeyri-qanuni gəlir əldə etməsinin qarşısı alınıb. Boyukmillet.com xəbər verir ki, bu barədə Türkiyənin daxili işlər naziri Ali Yerlikaya özünün “X” hesabında bildirib. “Bingöldə keçirilən narkotik əməliyyatı zamanı terror təşkilatının 36,4 milyard lirə qanunsuz gəlir əldə etməsinin qarşısı alındı”, – deyə o qeyd edib.